Frau Larsen

Var búin að gleyma hvað það er yndislegt að vera úti að hlaupa.... á pústinu, og fá svo 5000 smáflugur og frjókorn upp í nös og niður í kok !

Við Martin fórum einn hring hérna úti, fyrr í kvöld. Hann hefur aðeins talað um eitthvað lítið vatn sem er hérna rétt hjá húsinu okkar. Ég var nefnilega að segja honum hvað ég væri til í að vera í Holbæk núna, af því að það var svo yndislegt að hlaupa þar seinasta sumar, þar sem það var lítil umferð og góðir stígar. Hann sagði mér að tjékka á þessum hlaupastíg, en ég vildi ekki gera það, einfaldlega af því að ég hafði ekki hugmynd um hvar hann var !

Í kvöld ákváðum við svo sem sagt að skella okkur, og trítluðum kvikindið á rúmum hálftíma. Ég veit ekki hvað þetta var langt, ég vil meina að þetta hafi ekki verið mikið meira en 5 km, en Martin vill óðfluga segja að þetta hafi verið milli 6 og 7.

Hvað um það,.... leiðin var góð og hún verður örugglega skokkuð aftur í nákominni framtíð !!!

---

Gleymdi líka alltaf að segja ykkur frá skrattans góða veðrinu sem var hérna um helgina: Af því að það var búið að spá svo svaðins góðu veðri á föstudaginn, þá ákváðu Martin og félagar úr bekknum hans að skella sér út í fótbolta hérna fyrir utan Árhús. Þeir hittust klukkan 12 (frí í skólanum) með nokkra bjóra, fótbolta og krikket sett !!! Og úti voru þeir að spila í kringum 28 stiga hita, til rúmlega 6 !
Nú,- heim kemur Martin.. og ekki var sparaður hláturinn... því að drengurinn var svo HROTTARALEGA RAUÐUR.. að það hálfa hefði nú verið góður rauður litur í danska fánann !

Þetta var svakalegt. Og hann s.s kom heim með 2 öðru strákum, sem allir voru álíka girnilegir og útiteknir. Martin var samt verstur.. hahah.. hann var svo rauður, að hann var alveg eins og klipptur útúr myndinni: "The Man with the FIREmask!"
Núna veit ég ekki hvort að önnur eins mynd hefur verið framleidd, ... en ef hún verður það einhvern tímann, þá er Martin tilvalinn kandídat !!!

Hann er reyndar allur að koma til.. roðinn samasem farinn.. og flagnið farið að láta sjá sig. Hann hefur tekið eitt skref í að verða meira metróseksjúal en áður: lifir inni í baðherbergisskápnum mínum og nuddar á sig andlitskremi og body lotioni alveg ótt og títt !!!

---

Æjjj.. !
Það er svo margt sem ég skil ekki, og eitt af því er fólk sem að stígur upp í strætó, keyrir að næstu stoppistöð og fer út þar !!!
Sérstaklega þegar tekið er tillit til þess að stoppistöðvarnar hérna í Danmörkunni eru svo þétt settar, að í langflestum tilvikum tekur ekki mikið meira en 3-5 mín að labba á milli.

---

Ég er skrattans þreytt og er að berjast við að halda augunum opnum. Verkefnið gengur vel og ég sit hérna sveitt við að skrifa Design documents. Ekki kannski það skemmtilegasta, og ALLS EKKI það leiðinlegasta,.. en ég vil bara drífa þetta af, því að þá þarf ég að fara að leika mér að teikna, tré og sól og bíla og jólasveina ! Og ég er EKKI að grínast !!!!!

Kemur allt í ljós seinna,
Must go oooooooooonnnnn.......
heidiló hó, neibör !