Frau Larsen

Sælinú !

Það er erna ofurhárgreiðslumeistari, calling from Denmark!

Svona til að gera langa sögu stutta, þá var ég að reyna að setja í mig dökkar strípur í gær. Fannst ég nefnilega vera orðin alltof ljóshærð og langaði í smá hreyfinu í kvikindið. Hafði upprunalega hugsað mér að fara til nágrannakonu Hrannar, sem að vann sem hárgreiðslukona á Íslandi og á allar tilheyrandi græjur. Hún tekur aðeins 150 dkr fyrir ísetningu, sem er bara skid og ingenting. Eeeen, afturámóti þá vildi hún setja í mig 3 mismunandi liti, hafði eitthvað með það að gera að hún var hrædd um að brúnu strípurnar yrðu grænar ( gerist víst þegar maður er oft búinn að lita sig sjálfur ljóshærðan ) þannig að til að tryggja að það gerðist ekki, þá vildi hún s.s að ég keypti einhverja 2 pakka ( 3 mismunandi litir ). Það myndi gera heildarkostnaðinn örugglega yfir 400 dkr, sem er alveg jafndýrt og að fara á stofu. Þannig að mín ákvað bara að prófa þetta sjálf í gær,.. hélt þetta gæti nú ekki verið svo erfitt. Gerði þetta meira að segja við Lindu siss á Íslandi um jólin og það gekk ágætlega. Nema bara að í því tilviki vorum við með svona strípuhettu, í gær var ég ekki með neitt hjálpartól

Ohh well,... sagan er nú aftur orðin löng og ég er bara ekkert búin að stytta hana. Puff !

Jæja, jæja ! Mín dreif sig í að skipta hárinu í búta og renndi svo hendinni í gegnum nokkra lokka í einu. Þetta leit allt saman ágætlega út og eftir tiltekinn tíma, þá skolaði ég litinn út.
Það er skemmst frá því að segja að annar helmingurinn á hárinu lítur mjög vel út, en hinumegin er ég eins og hlébarði,... doppótt og dalmatíuleg !!!!

Þannig að.. ég þurfti s.s að fara ENN EINU SINNI og kaupa mér háralit í dag, ljósan,.. og núna er ég að setja hann í þau svæði sem fóru verst út úr hörmungunum !!

Held ég verði bara að sætta mig við það að ég get ekki verið að vesenast með einhverjar strípur, þegar ég er svona fátæk. Verð bara að lifa með þessu ljósa hári, og hana nú !!!

---

Martin liggur sofandi inni í rúmi. Við lögðum okkur smá. Ég fékk hinsvegar svo mikinn sammara að ég dreif mig á fætur núna rúmlega fimm ( búin að sofa í einn og hálfan ) en kallinn liggur enn og hrýtur.

Ég veit ekki alveg hvert helgarplanið er. Það er eitthvað í gangi hjá okkar bekk og nýju nemendunum í skólanum ( s.s þeim sem eru að byrja á fyrstu önn núna í ár ), eitthvað partý niðrí skóla, welcome veisla og læti. Svo verður farið niðrí bæ. Ég hreinlega veit ekki hvort ég nenni. Ætla að sjá til seinna í kvöld.

Hinsvegar erum við skötuhjúin að fara út að borða á morgun,.. jibbí og jeiii jeii ! Ég veit ekki hvert, sem er eiginlega bara aukaatriði, því að við höfum ekki farið svona á "deit" síðan fyrir hrun kínamúrsins !!!

En ég ætla að fara að tjékka á prufulokknum mínum og skella þessum ljósa lit í restina af hárinu mínu,
so long my darlings,.... so long.....