Frau Larsen

Jibbíííííí !
Hann Jónsi kallinn úr bekknum átti afmæli í gær. " Til hamingju með það, litla klettasalat ! "

Af því tilefni, ætlar drengurinn að bjóða til afmælisveislu einnar í aften; kökuboð og með því ( og þá meina ég veigar og vínandi ).

Nú,...
....Þar sem að okkur kvenmönnunum hættir oft til að eiga í vandræðum þegar kemur að því að velja outfit kvöldsins, þá hef ég oft tekið til þess að ákveða það bara kvöldið áður.
Það var akkúrat það sem ég gerði í gær, nema hvað að ég átti alveg svaðalega erfitt með að finna eitthvað sem passaði saman eða gæti mögulega verið " hið útvalda dress " !

Málið er nefnilega það, að maður verður fyrst og fremst að velja eitthvað sem að maður er ekki nýbúinn að vera í. Síðan verður maður nottla að fíla sig í viðkomandi klæðnaði, líða vel og ekki hafa áhyggjur af stöðugt pressaðri fitu hér og þar. Llitir og form verða að vera í samræmi, hár og förðun verða að passa og allt heildarlúkkið verður að vera hannað fyrir viðeigandi gerð af partýi. ( Fínt fyrir fínt partý, venjulegt fyrir venjulegt partý og so on ! )
Og svo svona einhversstaðar alveg seinast, þá kemur veðrið inn,.. því eins og flestir vita; þá er betra að manni sé kalt heldur en að maður sé hallærislegur !!!! ( I'd rather be cold than look stupid ! )

Ohh well ohh well,.. mín var komin í smá dilemmu, .. búin að rífa út og máta og mæla og prófa og prufa,.. komin í pirring og ekkert að ganga. Martin búinn að banna mér að fara í pils, af því að það er nú einu sinni búið að vera tiltölulega kalt hérna seinustu dagana. Aftur á móti vildi hann endilega að ég færi í gallabuxum. Af einhverjum ástæðum hlustaði ég á hann og mátaði bara "buxna-átfitt"
Aaaaahhh, stress og læti,... blóðþrýstingurinn kominn upp fyrir öll mörk og mín aaaalveg komin að því að hringja og afboða.
Tók svo til þess ráðs, bara svona að ganni, að skella mér í pils. Og allt í einu small þetta allt ! Kjéllingin bara búin að taka gleði sína aftur, og í beinu framhaldi ákvað hún bol, eyrnalokka, hálsmen, skó, hár og förðun ! Sýndi Martini og honum fannst þetta mjög flott, en var hræddur um að ég myndi frjósa. Spurði mig hvort að ég vildi ekki frekar fara bara í gallabuxum, eins og hann stakk upp á áður ?
Tssshh ! Ef ég skipti yfir í gallabuxur, þá er ALLT planið ónýtt.
Fyrir utan það, að ég er ekki Íslendingur fyrir ekki neitt; það rennur í mér kalt blóð, á milli víkingaættaðra vöðva og stálbarinna beina ! ! ! Sagði honum að myndi líka bara dúða mig vel að ofan, fara í dúnúlpuna mína með trefil og vettlinga,.. það hlyti að jafna þetta aðeins út; Ofurheitt að ofan, skítkalt að neðan = sæmilega passlega heitt um allan kroppinn !!!

Stuttu seinna kallaði hann á mig; það var komin stormviðvörun inn á textavarpið fyrir kvöldið í kvöld: SNJÓSTORMVIÐVÖRUN !

Obbobbobb ! Hvað gera Danir nú ? ? ?
Martin benti enn einu sinni á að skipta út gallapilsinu fyrir gallabuxur. Ég var ekki á sömu nótunum, hef nú upplifað annað eins á Ísalandinu góða, hef djammað í snípsíðu pilsi í snjóhúsi úti á ísilögðu vatni ! Þakkaði Martini pent fyrir góða innlögn en sagðist halda mig við fyrri áætlun: pils skyldi það vera !!!

---

Ég vaknaði í morgun, fékk mér að éta og leit út. Hló að veðurspá fyrri dags... dagurinn leit, svei mér þá, bara út fyrir að vera hannaður utan um pilsið mitt. Sól og blíða !
Stökk inn í herbergi, klæddi mig í íþróttafötin, henti mér í inniskónna og trítlaði yfir í rækt. Joggaði nokkra kílómetra og leit út um gluggan... sá hvernig snjórinn barðist utan í gluggana.
Bíddu, bíddu.. hold your horses,-.... SNJÓRINN ????????
Jább,.. það var byrjað að snjóa !
Og á leiðinni heim, 2 klukkustundum seinna, óð ég rigningu, snjó, slyddu, rok og OFSAVEÐUR,... á inniskónum mínum !!!!!

Ó mig auma !
Er að fara inn í herbergi og máta gallabuxur,......