Frau Larsen

Jæja ! Ég er sem sagt komin með aðra skúringavinnu.

Við Martin fórum þarna saman í gær og hittum konuna. Hún fór yfir allt saman og sýndi okkur hvað skal gera á hverjum degi. Þetta er ógeðslega stórt svæði og miklu meira heldur en hitt ( bæði skúringavinnan sem ég er með niðrí bæ og hin skúringavinnan sem að var hérna soldið langt fyrir utan ( sem að ég er ekki lengur með, því að við gátum bara fengið hana í 2 vikur !! ))
Við gleymdum reyndar að spurja konuna hvort að við gætum sameinað báðar vinnurnar og unnið þær báðar á kvöldin... en svona við nánar umhugsun, þá hreinlega held ég að ég nenni því ekki. Ég nenni ekki að eyða 3 klst á kvöldin í að skúra.. því það er oftast soldið mikið í sjónvarpinu. Fjandinn hafi það,.. ég hjóla bara 2 á dag !

Þannig að við byrjuðum í gær og unnum þetta saman. En frá og með kvöldinu í kvöld ætla ég að fara ein. Martin bauðst til að koma með mér á hverjum degi,.. en mér finnst það ekki sanngjarnt þar sem að hann er að vinna 10-12 tíma á hverjum degi. Hann ítrekaði það aftur að það væri ekkert mál, hann gæti alveg komið með mér. Á endanum komumst við að því samkomulagi að hann kæmi með mér á föstudögum. En ég veit ekki hvort ég ætla að standa við það,.. mér finnst hann eiga skilið að hvíla sig.

---

Mig langar svo til sólarlanda. Það eru ALLIR Danir að flýja þetta lortevejr ( skítaveður ). Það er frétt liggur við á hverjum degi í mogganum af fólki sem að fékk nóg of fór suður á bóg.

Og annað sem að er búið að vera í fréttum hérna í Danaveldi;
Það eru svo ótrúlega margar nauðganir í gangi þessa dagana að það er skömm. Um daginn var 13 ára stelpu nauðgað á klósetti í lest af 21 árs strák. Svo er byrjað að nauðga á Hróarskeldu. Einhver ógeðslegur handboltaþjálfari er sakaður um að hafa nauðgað NOKKRUM stelpum sem að hann kynntist í gegnum internetið..... Djöfulsins viðbjóður !!

Svo var 10 ára strákur sem að hengdi sig í tré fyrir helgi !!!

Hvað gengur eiginlega á, maður spyr sig. 10 ára !!!! Kann hann að reima skóna sína.. ? Búa til hnút ??

Og svo í gær var 36 ára maður sem hrapaði til bana eftir að hafa verið í svona svifdreka sem var hengdur aftan á bíl. Ég las ekki alla greinina en ég held að þetta hafi verið einhverskonar steggjun, því að hann átti að fara að gifta sig núna á laugardaginn !!!

Mikið er nú gott að búa á Íslandi. Það er ekki svona svakaleg dramatík í gangi allan tímann. Og á Íslandi er hægt að kaupa Smarties.. það er ekki hægt hér. Ég hef allavegana ekki séð það hingað til,.. nema kannski helst mini-smarties.. en það er ekki það sama ! Og á Íslandi er hægt að kaupa kókómjólk. MMMmmm... gæfi mikið fyrir eina fernu. Eða Trópí. Jæks ! Það er svo margt sem ég sakna af klakanum.. sem ég held að sé ekkert voðalega sniðugt að senda til mín. ( Sem dæmi túnfisksalat og rækjusalat !! )

En maður verður víst að bíta í það súra epli.
Og talandi um...... þá er heldur ekki hægt að kaupa almennileg súr epli í þessum bæ ! Hef allavegana ekki rekist á nein slík ennþá !

En þannig er nú það
langar að senda Trausta bróður kraftakveðjur... hann er að fara að fá sér GEGGJAÐ tattú á morgun... hann verður sko MEGA flottur og ég get ekki beðið eftir að fá senda mynd. Vííííhaaaaaaaaa...........