Frau Larsen

Ég er búin að átta mig á því að Drew Barrymore er í miklu uppáhaldi hjá mér !
Ég hef aldrei haft neina sérstaka skoðun á henni, hvorki slæma né góða.
En svo sá ég hana einhvern tímann í Jay Leno,.. og fannst hún alveg fjandi skemmtileg. Hún var rosalega mikið niðri á jörðinni, alls engir stjörnustælar og lét bara eins og henni langaði að láta, ropaði og sagði skemmtilega brandara.
Svo eftir það, þá hefur álit mitt á henni farið sívaxandi. Hún er alltaf rosalega náttúruleg, og bara hún sjálf og er ógeðslega skemmtileg í hverju einasta viðtali sem ég hef séð.
Svo í gær.. þá endanlega sprengdi hún allar tölur. Ég var að horfa á einhverja mynd með henni, sem var í sjónvarpinu. Hef aldrei heyrt um hana áður og veit ekki til þess að hún hafi verið sýnd í bíói. En allavegana, þá hét hún RIDING IN CAR WITH BOYS og var bara alveg ágætis-mynd. En Drew fór á kostum og ég fékk góða kastið yfir henni nokkrum sinnum.

Ég er nú samt enginn brjálaður fan,... langaði bara að benda á þetta, því að mér finnst miklu meira varið í hana heldur en margar aðrar leikkonur.

---

Ég er komin með aðra skúringavinnu, einn og hálfur tími á dag. Það eina slæma við hana er að hún þarf að vera unnin á kvöldin... helst eftir 7. Það góða við hana er að hún er hérna rétt hjá, þannig að ég get bara hjólað.
Svona til að vera nákvæm, þá er hún niðri í bæ, aðeins styttra heldur en hin vinnan mín. Þannig að það sem að er soldið leiðinlegt við þetta allt saman er það að þessar vinnur eru á næstum sama stað en eiga að fara fram á sitthvorum tímanum; önnur helst fyrir hádegi og hin eftir kl. 19. Þannig að ég þarf að hjóla niðrí bæ og aftur heim, og svo hjóla niðrí bæ og aftur heim ! Ekkert voðalega spennandi. En við ætlum nú að tala við konuna og athuga hvort að það sé möguleiki á að ég megi sameina þetta og skúra á báðum stöðum eftir klukkan 19 !
En það kemur allt í ljós,.. þegar að við tölum við hana á eftir.

Annars bið ég bara að heilsa
adios...