Frau Larsen

 
Ég sakna íslensks skyrs.is.
Ég hef aldrei verið brjálaður fan, ég meina, ég borða það nokkuð oft og finnst það ógeðslega gott. En eins og ég segi,.. þá er það ekki neitt sem ég get ekki lifað án - hélt ég !
En þessa dagana langar mig svo hryllilega mikið í eins og eina, tvær dollur, að það er ekki eðlilegt.
Það er margur maturinn sem ég sakna hryllilega, eins og kókómjólk, matarkex, ópal. Svo var ég að skoða gamlar myndir hérna í tölvunni, og ein er af mér liggjandi uppi í rúmi í bölvaðri þynnku með risa RISA RISA nammipoka úr Nammilandi í Hagkaup. Jamms jamms. Ef einhver vill gleðja mig og senda mér eitthvað "óvænt" .... *blikk* !

---

Skemmtilegt frá því að segja, að í dag heyrði ég auglýsingu í útvarpinu; verið var að kynna allskonar nám hérna í Roskilde, eins og einhverskonar alþjóðlegt nám,  viðskiptafræði, að læra til kokks og að læra að verða slátrari !!!!!!
Hef ekki heyrt annað eins, en örugglega skemmtileg að mæta gömlum vini á Laugaveginum;
,, ... Og hvað ert þú svo að gera þessa dagana ? "
- ,, Jahh, er komin með masterspróf í slátrun !!! "

---

Við skötuhjúin fórum út að hlaupa saman í kvöld og vorum eins hallærisleg og mögulegt var, vegna þess að þegar við vorum rétt nýlögð af stað, þá áttaði ég mig á því að við vorum NÁKVÆMLEGA eins; bæði í hvítum stuttbuxum og svörtum hlírabol !! Hljómar kannski ekkert rosalega asnalegt, en mér fannst það samt. Sérstaklega vegna þess ég veit ekkert hallærislegra en hjón úti að labba, eða hjóla eða whatever, í nákvæmlega eins fötum! Held við séum hálfnuð þá leið, eftir ár verðum við örugglega joggandi um Århus í appelsínugulum göllum, haldandi í hendur ! :)
Tjahh... fyrst verðum við nú að gifta okkur !

Talandi um skötuhjú.. hvaðan er þetta eiginlega komið þetta orð -> skötuhjú ?
Hef aldrei pælt neitt sérstaklega í því hvað þetta orð er fáránlegt, en mér finnst nefnilega skötur frekar ógeðsleg dýr. Ég heiti því hérmeð að ég er formlega hætt að nota þetta orð ( allavegana um okkur Martin ),.. ætla að taka upp eitthvað annað sætara, tengt dýri sem mér finnst krúttleg,.... eins og t.d mýs.
Músahjú ! Múslur !

Æjjj.. voðalega er þetta eitthvað ómerkilegt hjá mér í dag,.. það er misjafnt hvað maður hefur að segja hér frá Danaveldi
En jæja, mín ætlar að skella sér í sturtu
bless bless litlu lömbin mín - bless bless