Frau Larsen

Var í skólanum í gær, sem er svosum ekki frásögum færandi, nema það að kennarinn sem að var að kenna er svo HRYLLILEGA lélegur kennari, að ég skil ekki hvernig svona maður hefur náð sér í kennsluréttindi!
Hann talar bara og talar á sinn ömurlega máta í sínum ömurlega tón og sínum ömurlega hraða, hann er greinilega soldið óöruggur í ensku og kann ekki öll orðin og segir þau vitlaust og stamar og hikar og ég veit ekki hvað og hvað,- s.s alls ekkert að ná að til manns, hvað athygli varðar. Og svo hefur hann akkúrat enga skynjun fyrir því hvenær það er kominn tími á að taka hlé.
Margir kennarar í skólanum mínum eru ekkert með neinn ákveðinn hlétíma. Oftast er fyrsta hlé um klukkan 9.40, en ef að þeir sjá að fólk er ekki að halda einbeitingu, fyrir þann tíma, þá segir það: "OK, tökum hlé núna, farið fram að labba og fáið ykkur kaffi - eða eitthvað !"

En þessi maður í gær, (hann Bjarne), hann bara kann ekki inn á svoleiðis, og hann talaði svo VIBBA mikið að ég var komin með svona ormafiðring frá rassi og niðrí tær: ég hreinlega VARÐ að fá að standa á fætur og komast út! Grínlaust, þá varð ég svo pirruð inni í mér, að ég þurfti að vera á stöðugri hreyfingu til að sporna við sprengingu! (Var eitthvað að dúttla í pennaveskinu mínu, skrifa niður innkaupalista, laga buxurnar mínar, naga neglurnar) (Sat aftast í tölvuherbergi með slökkt ljós, svo að hann hefur ekki séð mig fyrir öllum tölvunum!)

Maðurinn tók loksins hlé klukkan 10.30, eftir að hafa talað stanslaust í tæpan 1 og hálfan tíma - um EKKI NEITT !!!!!! Í alvöru talað, þá gagnaðist mér þessi tími ekki á NEINN MÁTA, whatsover! Þessir dagar eiga að fara í að kenna okkur eitthvað gott og sniðugt sem að við höfum ekki lært áður en getur gagnast okkur í lokaverkefninu okkar,- og kallinn var að sýna okkur einhver vídjó af ráðstefnum!
Enda þegar ég vaknaði í morgun og áttaði mig á því að það var aftur tími með sama manni í dag,.... þá ákvað ég að slökkva á vekjaraklukkunni og snúa mér yfir á hina hliðina !!!

Þið þarna úti, sem eruð að ná ykkur í kennsluréttindi (Sigrún!): Hafiði þetta í huga þegar þið eruð komin út á markaðinn!

Langaði bara aðeins að deila með ykkur pirring gærdagsins !!!

---

Ég veit ekki af hverju ég fer reglulega að hugsa um það hvernig það er að deyja úr þorsta,- ég hreinlega skil ekki af hverju þetta mál poppar alltaf upp í hausinn á mér, en ég huxa að þetta hljóti að vera ein alversta pyntingaraðferð sögunnar.
Ég hef örugglega minnst á þetta áður og ég á örugglega eftir að gera það meir, en ímyndið ykkur, hreinlega að þorna upp!

Já, þið þarna úti sem virkilega hatið og viljið sjá mig þjást, núna eru komnar 2 hugmyndir í bankann:
* Loka mig inni í herbergi með ekkert að drekka og hitann á hæsta !
* Loka mig inni í herbergi, með Bjarne kennara !!!



En jæja, ég þarf víst að fara að drífa mig að læra,
chiao amigos
ernos